Hnakkus

Leiðandi spurningar eru sniðug leið til að byrja grein. Þannig getur höfundur varpað fram spurningu til lesenda og þóst leita svara við henni þó að sjálfsögðu sé hann löngu búinn að gera upp hug sinn. Oftast má lesa slíkar spurningar sem beina fullyrðingu frá höfundi.

Höskuldur Marsípanson ritstjóri Frelsi.is, vefs heimdellinga, skrifaði nýlega grein sem einmitt hefst á spurningu. Spurningin sem brennur á vörum Höskuldar er ansi sérstök. "Leiðir mikill ríkisrekstur til rasisma?" spyr Höskuldur og virðist ekki í miklum vafa um hvert svarið sé. Ég gríp snöggvast niður í upphaf greinarinnar, vonandi með góðfúslegu leyfi höfundar:

"Það er engin tilviljun að ein ógeðfeldasta stefna síðustu aldar sem ber ábyrgð á dauða milljóna manna einungis vegna mismunandi kynþáttaflokkunar var sósíalísk, það er þjóðernissósíalismi (Nazismi)."

"Engin tilviljun" fullyrðir hinn annars spuruli Hössi um leið og hann hefst handa við að klína nasismanum á pólitíska andstæðinga sína. Þessi leikur er lítið yngri en nasisminn sjálfur og hefur í gegnum tíðina verið stundaður af óáhugaverðum einstaklingum beggja megin miðju allt frá lokum seinni heimsstyrjaldar. Hægri menn reyna að eigna vinstri mönnum nasismann og vinstri menn reyna að eigna hægri mönnum nasismann. Liðinu sem tekst svo betur að klína nasismanum á hitt liðið vinnur...eða eitthvað. Mjög mjög uppbyggilegt og skemmtilegt. Ef ég vildi leika sama leik gæti ég til dæmis bent Hössa á þá staðreynd að Þjóðernishreyfing Ísland (nasistahreyfing stofnuð árið 1933) hafi verið að mestu skipuð sjálfstæðismönnum og að leifar hreyfingarinnar hafi runnið aftur inn í Sjálfstæðisflokkinn að henni liðinni. Ég er hinsvegar alltof þroskaður og vel gefinn til að standa í slíku skítkasti svo ég sleppi því með öllu.

Hözzki vill meina að rætur rasisma megi rekja til þess að ríkið sé gjarnan með slík heljartök á öllum góðum bitum sem fyrirfinnast í þjóðfélaginu að skömmtun þeirra valdi mismununum og ýti undir kynþáttahyggju og kynþáttaflokkun eins og ég tel mig lesa úr eftirfarandi klausu...sem aftur er vonandi birt með vinsamlegu leyfi höfundar:

"Í mörgum ríkjum hvar margir þjóðflokkar og kynþættir búa saman í einu ríki er mikil mismunun viðhöfð um hverjir fá vinnu hjá hinu opinbera, sem oft er eini eða aðal atvinnuveitandinn. Þannig eru deilur milli mismunandi ættflokka sem byggja sama ríkið í t.a.m. Afríku oft sprottnir upp úr því hverjir eigi að ráða ríkinu og þannig hverjir fái vinnu hjá því og hvar peningunum er eytt og svo framvegis. Sama á við um minnihlutaræði ýmis konar hvar meginhlutar þjóða höfðu ekki rétt til að kjósa sér fulltrúa á þingi eða a.m.k. fá eitt atkvæði hver einstaklingur. Einræðis- og herforingjastjórnir eru einnig oft studdar minnihlutahópum eða ákveðnum þjóðfélagshópum sem eru hræddar við stöðu sína gagnvart öðrum hópum.

Mikill ríkisrekstur hvetur til slíkrar þróunar, þar sem sú staða kemur upp að störf og auðæfi verða í takmörkuðu upplagi þegar frjáls markaður fær ekki að njóta sín. Þá verða þeir hópar sem komið hafa ár sinni vel fyrir borð innan opinbera geirans oft umhugað um að verja stöðu sína og sjá um sitt fólk og þannig oft mismunað gagnvart þeim sem eru á einhvern hátt öðruvísi, veri það hörundslitur, trú, tungumálahópur eða ættbálkur."

Höskuldur flaskar þarna á muninum á orsök og afleiðingu. Orsök kemur fyrst, afleiðing kemur síðar. Þetta er oft gott að hafa í huga. Ef þessu er ruglað saman er oft erfitt að átta sig á samhengi hlutanna. Rasismi er vissulega sums staðar praktíseraður af opinberum aðilum en það þýðir ekki að rasismi verði til hjá opinberum aðilum eða að opinberir aðilar séu einhvern hátt líklegri til að mismuna fólki eftir kynþætti en aðrir. Í lengra komnum ríkjum eru einmitt mjög stíf lög ætluð þess að tryggja að slíkt gerist ekki. Auk þess er ekkert sem bendir til þess að meiri rasismi fyrirfinnist í ríkjum með sterkan ríkisrekstur en í ríkjum með veikari ríkisrekstur.

Ríki þar sem margir kynþættir og þjóðarbrot búa saman eiga vissulega oft við kynþáttavandamál að stríða, en að reyna að klína slíku á ríkisrekstur öðru fremur ber annaðhvort vott um mikla fáfræði eða óheiðarleika. Ég ætla að giska á að í þessu tilviki sé um jafna blöndu að ræða. Það er gaman að geta þess í framhaldinu að fáfræði er ekki bara orsök slæmra greina á internetinu heldur er hún líklega stærsta orsök rasisma. Fáfræði má sigra með menntun. Í framhaldi af því má svo einmitt velta því fyrir sér hversu mörg ríki séu til sem hafa menntað almenning vel án þess að ríkisvald komi þar nokkuð við sögu? Jebb...leiðandi spurning. Svarið er að sjálfsögðu að ekkert ríki hefur menntað þegna sína með einkaframtakinu einu saman.

Höskuldur röflar þar næst eitthvað meira um níðingsskap ríkisvalds gagnvart innflytjendum og óánægjuna og óeirðirnar sem það veldur. Hann lýkur svo greininni (blessunarlega) með enn meiri þvælu. Ég vitna hér beint í greinina, vonandi enn með góðfúslegu leyfi höfundar:

"Í raun má sjá svipaða þróun hér á landi þó annars eðlis, hvar innfæddir Íslendingar hafa í auknum mæli sóst í störf hjá hinu opinbera en líta niður á ýmis störf sem fólk af erlendum uppruna sinnir í meira mæli en áður.

Við verðum að gæta okkar á slíkri þróun, því við megum alls ekki við því að rasismi skjóti hér föstum rótum. Ein af þeim aðferðum sem beita þarf til þess er að draga úr ríkisrekstri."

Þetta er fljótafgreitt. Íslendingar eru ekki í auknum mæli að sækja í störf hjá hinu opinbera og það væri gaman að sjá hvað Hözzi hefur fyrir sér í því. Fjölmörg stór fyrirtæki sem áður voru í ríkiseigu hafa verið einkavædd og aldrei fyrr í sögunni hefur verið jafn mikið af vel stæðum einkafyrirtækjum hér á landi en akkúrat nú sem bjóða upp á allskyns spennandi störf. Þar sem þessi fyrirtæki borga líka almennt betur en hið opinbera, er eftirspurnin eftir vinnu hjá þeim eðlilega mun meiri en í störf hjá hinu opinbera. Deilur um þetta borðleggjandi atriði koma hinsvegar umræðu um orsakir rasisma ekkert við enda er þetta bara einhver bara þvæla sem greinarhöfundur hefur giftusamlega togað út úr rassgatinu á sér til þess að koma höggi á ríkisrekstur.

Það er um að gera að skrifa gegn ríkisrekstri ef menn eru þannig sinnaðir. Það er líka hið besta mál að reyna að kryfja orsakir rasisma og annarra þjóðfélagsmeina. Að skrifa góðar og þankavekjandi greinar er þarfaverk. Þetta misheppnaða neðanbeltispark ritstjóra Frelsi.is áorkar hisnvegar engu af ofangreindu. Höskuldur er á móti miklum ríkisrekstri, en í staðinn fyrir að reyna að rökstyðja af hverju hann er á móti miklum ríkisreksti, tekur hann eitthvað sem allir eru sammála um að sé ljótt og klínir því á ríkisrekstur með langsóttum og vægast sagt vafasömum rökstuðningi. Ég ætti kannski að taka upp hanskann fyrir hið síminnkandi ríki og skrifa greinar til varnar því? Ég gæti t.d. skrifað greinar eins og..."Leiðir frjáls markaður til barnaníðs?" eða...."Er ljóti kallinn kapítalisti?". Mikið væri það nú fræðandi og innihaldsríkt.

Það ætti að setja forseta Íslands í farbann um leið og hann er kjörinn í embætti. Þetta myndi leysa margskonar vandamál. Í fyrsta lagi myndu skattar örugglega lækka um 50% ef Ólafur Ragnar yrði kyrrsettur og hætti að eyða peningunum okkar í að drösla egóinu sínu um veröldina á fyrsta farrými. Í öðru lagi gætu spilltir pólitíkusar ekki misnotað stöðu sína sem handhafar forsetavalds í hvert skipti sem El prez bregður sér út fyrir landsteinana. Venjan hjá spilltum stjórnmálamönnum var að stelast bara í vínskápinn og detta í það með vinunum [Les: kaupa sjö þúsund tonn af áfengi á kostnaðarverði og fylla bílskúrinn svo þeir þurfi aldrei aftur að borga álögurnar sem þeir neyða okkur hin til að borga með lagasetningum] en það nýjasta er greinilega að nota veldissprotann til að hreinsa mannorð dæmdra flokksfélaga sinna svo þeir verði aftur kjörgengir fyrir flokkinn.

Ég myndi hneykslast á þessu ef þetta kæmi mér á óvart en þetta er hinsvegar bara fyndið og sannar það sem ég sagði nýlega. Geir H. Haarde er heimskur. Heimskari en ég hélt meira að segja. Minnið mig á að gefa aldrei sjálfsstæðismanni of mikið kredit aftur.

Þetta minnir eins og "löggu og bófa" þar sem krakkarnir frelsa liðsfélaga sinn úr jeilinu um leið og enginn er að horfa. Þegar pabbi fer til útlanda leika börnin sér.

Hugmynd að kvikmynd? Eða er wham nógu mikill hryllingur án tannanna?

Heimska er því miður ekki banvænn sjúkdómur lengur. Viðvaranir á raftækjum, forvarnarstarf af öllum toga og Herdís Stoorgard, hafa gert það að verkum að lögmál Darwins um náttúruval er varla við lýði lengur. Þetta hefur að vísu bæði í för með sér kosti og galla. Gallarnir eru margir. Björn Bjarnason er með vinnu. Kaupmenn á Íslandi komast upp með að smyrja 300% ofan á allt án þess að búllurnar þeirra séu brenndar ofan af þeim. Mannkynið mun tortíma sér með bensínsvalli og/eða styrjöldum. Og Stuðmenn eru ennþá að selja inn á böll en ekki inn á þjóðminjasafnið.

Kostirnir eru færri og helstur er sá að ég og aðrir með virkt miðtaugakerfi getum hlegið yfirlætislega og froðufellt til skiptis yfir brakandi heimskunni sem hvarvetna blasir við.

Nýlegt og nærtækt dæmi um áður banvæna tegund heimsku er það að finnast SS pylsur besti matur í heimi og svo fólk sem pissar á sig af þjóðernisstolti yfir því að Bæjarins bestu séu á lista einhvers blaðamanns á The Guardian yfir bestu matsöluturna í heimi.

Í fyrsta lagi þá er þetta kjaftæði hjá þessum vitleysingi á Guardian. Mín ágiskun er að hann verið maukölvaður og verið nýbúinn að fá að ríða á Pravda út á blaðamannapassann og því ekki fundið bragðið af óþverranum sem hann var að ryðja inn í glottandi smettið á sér þar sem hann stóð þarna í norðangarranum með tittlinginn úti, alsæll með lífið og tilveruna.

Bæjarins bestu þóttu rosa lekker matur í gamla daga þegar Íslendingar voru ennþá að éta hrútspunga í jólamatinn og sjórekin lík franskra sjómanna í morgunmat. Eftir að byrjað var að flytja inn matvæli í líkingu við það sem aðrar siðmenntaðri þjóðir borða er fjandi erfitt að halda því fram að pulsur á Bæjarins bestu sé merkileg fæða, hvað þá að þær rúlli upp götumat á meginlandinu. Rándýrar SS pylsur í hvítu gúmmibrauði með SS sykursinnepi og tómatsósu er ekki merkilegur matur. Punktur. Ekki einu sinni mikið magn af hráum nær að redda þessu drasli fyrir horn.

Þetta er svosem fínt til að rífa í sig þegar maður er svo ölvaður að bragðlaukarnir eru í dauðadái ásamt restinni af taugakerfinu og verðmætamatið er horfið sömu leið og sjálfsvirðingin, en þetta er ekki matur við hliðina á t.d. kebabi á hvaða skítsæmilega kebab stað á meginlandinu þar sem hægt er að fá vel útilátinn, djúsí, og meira að segja hollan mat fyrir helminginn af því sem þessi remúlaðismurði mauksoðni innmatur kostar. Ég vil biðja kebab húsið á lækjartorgi náðarsamlegast að taka hrósið ekki til sín. Það er rándýr okurbúlla með svo ógeðslegt kebab að Halim Al myndi skila börnunum frekar en að éta einn bita þar inni.



Það er heimskt að setja pulsudrulluna á bæjarins bestu á lista yfir besta götumat í heimi. En þó er mun heimskara að fyllast þjóðernisstolti af því að einhverjum skítölvuðum blaðamanni fannst einhver pulsa vera rosalega góð í landinu sem viðkomandi fæddist í. Þjóðernisstolt er alltaf fokking heimskulegt en það öðlast nýjar víddir í fávitaskap þegar uppspretta stoltins er soðinn innmatur í brauði. Í tilraun minni til að skilgreina atburðarásina sem veldur stolti sumra landa minna yfir þessarri tilnefningu ákvað ég að brjóta hana niður í einingar sínar og renna í gegnum hana lið fyrir lið. Vonandi hjálpar þessi greining ykkur, lesendur góðir, að skilja betur þessa lamandi heimsku sem ógnar tilveru okkar allra, en ekki bara heimskingjanna sjálfra eins og eðlilegast væri.

1. Móðir og faðir þjóðernisstolts aumingja hittast á skítugum bar. Sökum blackouts og meðfæddrar heimsku eru þau ófær um að átta sig á því að hvorugt þeirra er heppilegt eintak til undaneldis. Þau fara heim saman (eða undir borð) og úr þessu blackouti sprettur auminginn okkar.

2. Auminginn vex úr grasi án þess að gera nokkurn tíma neitt af viti sem myndi mögulega skyggja á merkisatburði eins og þá að aðrir en hann sjóði pulsur sem sumum finnast góðar. Sökum langdreginnar skyldumenntunar nær hann með herkjum að læra að lesa sem aftur veldur því að rækilega viðvörunarmerktum raftækjum mistekst hvað eftir annað að binda enda á tilgangslausa tilveru hans eins og náttúran gerði ráð fyrir.

3. Tussufullur blaðamaður með svínið úti slafrar í sig pulsu á Bæjarins bestu og skrifar um upplifunina í The Guardian til þess eins líklega að troða Íslandi, sem er svo hip og cool, inn í annars tilgangslausa uppfyllingargrein um götumat sem hann át á drykkjutúr sínum um heiminn.

4. Auminginn les (með herkjum) í Mogganum að Pulsa sem var soðin af einhverjum allt öðrum en honum sjálfum, en þó í sama landi og hann býr í vegna þess eins að hann fæddist þar, sé á topp 5. lista lélegs blaðamanns yfir besta götumat í heimi.

5. Auminginn finnur egóið þenjast út. Loksins gengur eitthvað upp í hans lífi sem gerir hann einhvers virði. Það sem íslenska fótboltalandsliðinu hefur trekk í trekk mistekist að gera fyrir hann, tókst einni pulsu loks að gera. Hann finnur til stolts yfir vafasömum afrekum fólks sem er eins lauslega tengt honum og mögulegt er og lífið er bjartara um stund.

Ég vil að lokum biðja mína vel gefnu og fallegu lesendur að vera duglega að plokka viðvörunarmiða af raftækjum framvegis ef að leiðin liggur í raftækjaverslun. Við getum öll lagt okkar af mörkum fyrir betri heim.

Líffræðingar hafa úrskurðað að Plútó sé ekki lengur hundur. Um 2500 líffræðingar hafa rætt þetta mál af kappi á alþjóðlegu heimsþingi líffræðinga sem haldið var í vikunni. Appelsínugulur litur, tvívídd og óvenjuleg lögun Plútós eru að sögn líffræðinganna meðal ástæðna þess að plútó getur ekki lengur talist hundur líkt og Lassi, Benji og fleiri þekktir hundar.

"Til að teljast hundur þyrfti plútó að vera samsettur úr kolvetnum en ekki tússi!" sagði talsmaður ráðstefnunnar á blaðamannafundi sem haldinn var vegna málsins nú síðdegis.

Ekki náðist í Mikka Mús vegna málsins.

Í hverfinu mínu eru margar verslanir sem glæða hverfið lífi með allskyns skemmtilegum útstillingum. Gott dæmi er rómantíska sóðabúllan á horni vitastígs og hverfisgötu. Ég tók meðfylgjandi mynd á röltinu um daginn enda aldrei of mikil rómantík á þessarri síðu finnst mér. Þetta er gasalega lekker útstilling og er skemmtileg fyrir ýmsar sakir. Ef þið pírið augun þá sjáið þið kannski það sem mér finnst fyndnast á myndinni.

Já...það dugir ekki bara að vera duglegur í ræktinni ef kjölfestan er engin. Meira að segja kötturinn minn hló þegar hann sá þetta og ekki hefur hann nú efni á miklu.

Ætli þetta sé kannski markaðssetningartrix hjá eigendum sóðabúllunnar? Láta tútturnar í glugganum vera stórar og karlmennina ræfilslega að neðan? Þá líður viðskiptavinunum betur með sjálfa sig og kaupa sér eina extra uppblásna fyrir rómantíska trekantinn? Útsmogið.

Ég mæli að lokum með því að fleiri verslanir í miðbænum hugi að því að hafa mynd af mönnum með standpínu í glugganum hjá sér. Það er nauðsynlegt að hleypa smá blóði í markaðssetninguna við og við.

Oft hef ég heyrt að ég sé orðheppinn. Oft hef ég líka slitið mænuna úr fólki og hýtt það með henni í beinu framhaldi.

Orðheppni er bjánalegt hugtak. Það er eins og verið sé að segja að í rauninni sé maður frekar heimskur, en að fyrir einhverskonar einskæra heppni velti gullkornin stanslaust upp úr manni. Að maður grísi í gegnum lífið eftir fátroðnum og þröngum vegi snilldar og fullkomnunar án þess að hafa hundsvit á því sem maður er að gera ?

"Ég veit sko ekkert ka érað segja héddna....ér bara svo ýkt heppinn eitthvað lol!".

Kjaftæði. Allt sem ég segi og skrifa er ódauðlegt og satt vegna þess að ég er fokking gáfaður og töff. Spyrjið bara Kjarra. Kjarri er glöggur ungur maður sem veit að fögur blóm spretta ekki úr dauðum jarðvegi. Kjarri er líka nýi besti vinur minn.

Klárt fólk segir klára hluti og heimskt fólk segir heimskulega hluti. Geir H. Haarde er til dæmis ekkert seinheppinn í orðavali eins og stundum er sagt. Hann er bara heimskur. Ekki er sagt að Tyson sé höggheppinn eða að Hitler hafi verið óheppinn í fjölmenningarmálum? Akkúrat!

Þið eruð vonandi farin að ná þessu. Sá næsti sem segir að ég sé orðheppinn mun komast að því hvað ég er flugsparkípunginnheppinn.

Jesús var á röltinu einn dag þegar hann gekk fram á æstan múg sem var í þann mund að fara að grýta hóru nokkra. Jesús gat ekki horft upp á slíkt svo hann ávarpaði múginn og sagði..."Sá yðar sem syndlaus er kasti fyrsta steininum!"

Hann hafði ekki fyrr sleppt orðinu en kona vindur sér framfyrir hópinn, dúndrar stærðar hnullungi í smettið á hórunni og steindrepur hana.

Jesú, sem bjóst alls ekki við þessu, brá mikið en varð svo vandræðalegur á svip og sagði...."Oooh..ég sá þig ekki þarna mamma..."

Kristilegt siðferði er óaðfinnanlegt eins og við vitum sem sátum kristnifræðikennslu í skólum landsins og lærðum um góðverk yfirnáttúrulegu hálsskreytingarinnar frá Nasaret. Því miður hafa ekki allir meðtekið kristnifræðina jafn vel og ég enda ekki kannski furða þar sem ég er einstaklega vel gefinn og tilfinningagreindur ungur maður.

Ég á til dæmis nágranna sem er með hávaða og læti frá því snemma á morgnana og langt fram á kvöld og sem lætur sér fátt um finnast þó nágrannarnar hans biðjist vægðar. Nágranni þessi spilar háværa tónlist sem ýmist vekur fólk með andfælum eða meinar þeim um svefn nema að fólk taki upp á því að troða einhverju lauslegu í eyrun á sér til að útiloka gauraganginn. Gagnslaust er að berja téðan nágranna til að koma fyrir hann vitinu því hann er bæði hávaxinn og harðgerður.

Ég er að sjálfsögðu að tala um Hallgrímskirkju.

Um daginn vaknaði ég eldhress klukkan níu á laugardagsmorgni við að vekjaraklukkurnar sem Hallgrímskirkja stillir fyrir allt hverfið fóru í gang. Ég ákvað að hringja í þennan tónelska nágranna til að forvitnast um það hvort hann væri mögulega fáanlegur til að hætta að vera með læti á þessum ókristilegum tíma. Samtalið hljóðaði svo:

Ég: Já góðann daginn. Hvenær er venjan hjá ykkur að starta þessum klukkum ykkar á laugardagsmorgnum?
Guð (glaðleg kvenmannsrödd): Við byrjum klukkan níu!
Ég(ekki jafn glaðlegur): Og þið vitið að þetta vekur alla nágrannana?
Guð: Jú.
Ég: Ha?...ok...og er ykkur alveg sama bara?
Guð (núna að þykjast vera kirkjuvörður): Ja við kirkjuverðirnir berum nú enga ábyrgð á þessu...
Ég: Gæti ég þá fengið að tala við einhvern sem ber ábyrgð á þessu takk?
Guð/kirkjuvörður?: Ja þau koma í vinnuna á þriðjudaginn þú getur talað við þau þá.
Ég: ber presturinn ábyrgð á þessu þá eða...?
Guð/kirkjuvörður? (minna glaðleg/ur): Nei hann ber enga ábyrgð á þessu.
Ég: Hver er það þá sem ber ábyrgð á þessu??
Guð/kirkjuvörður?: Það er líklega framkvæmdastjórinn en hún kemur í vinnuna á þriðjudaginn þú getur talað við hana þá bara!
Ég: Hún fílar semsagt ekki að láta trufla sig heima hjá sér?...
Guð/kirkjuvörður?: Uuu..uu...nei örugglega ekki.
Ég: Takk fyrir aðstoðina. Bless.

Næst fletti ég að sjálfsögðu upp á símanúmerinu hjá framkvæmdastjóranum friðelskandi og hringdi í hana til að ræða þessi mál. Hún svaraði að vísu aldrei en ég gerði mitt besta og lét hringja út, alls um 50-60 sinnum á að giska. Vonandi verður hún við símann næsta laugardag!

Þess má geta að ég hringdi líka í lögregluna í Reykjavík og spurði þá hvort ég gæti sigað þeim á hávaðasaman nágranna minn sem spilaði háværa tónlist eldsnemma á morgnana um helgar en þeir sögðu að engin sérstök lög næðu yfir slíka hegðun nema þá yfir blánóttina. Hann flissaði örlítið þegar ég sagði honum hver nágranninn væri og bætti við að þetta væri eitthvað sem hávaðasamir nágrannar yrðu að eiga við samvisku sína.

Það er semsagt ekki ólöglegt að sitja fyrir utan húsið hjá friðsælum framkvæmdastjórum og spila vont þungarokk á hæsta styrk meðan maður blaðar í bók með heyrnahlífar á höfðinu. Allavega ekki samkvæmt lögreglunni í Reykjavík.

Fjölmiðlar starfa skringilega oft á tíðum. Mikið er t.d. klifað á því í fréttum að upphaf innrásarinnar í Líbanon hafi verið dráp og handtaka nokkurra Ísraelskra hermanna þétt við landamæri Líbanon þegar ljóst er að Ísraelsmenn hafa verið vaðandi yfir landamæri Líbanons og sprengjandi innan þeirra allt síðan þeir drógu mest af herliði sínu frá Líbanon árið 2000 eftir 18 ára hernám. Upphaf núverandi stórsóknar Ísraelshers á sér því augljóslega allt aðrar og meiri ástæður en þennan eina atburð sem fjölmiðlar kjósa að nota sem upphafspunkt.

Ef einhver heldur virkilega að Ísraelsstjórn hafi ákveðið nákvæmlega þessa innrás eftir ein smávægileg slaxmál þá væri gagnlegt fyrir viðkomandi að hafa í huga að það tekur ekki minna en 2 mánuði að undirbúa 30 þúsund manna innrás sem þessa. Ísraelar ákváðu fyrir löngu að gera innrás og hafa reynt að kenna Hizbollah og líbönskum almenningi um allt saman með því að endurtaka stanslaust að ástæðan sé þessi árás á nokkra af hermönnum þeirra. Þetta er jafn heimskuleg tylliástæða og sú sem notuð var fyrir nýlegri stórsókn þeirra inn í Gaza en því miður virðast ótrúlega margir láta blekkjast af svona idjótískum fyrirslætti enda kannski ekki við öðru að búast þegar allir stærstu fjölmiðlarnir spila með.

Hér má sjá stórmagnað VIDEO þar sem skoski þingmaðurinn George Galloway gjörsamlega rústar meðvirkri fréttakonu á Sky sjónvarpsstöðinni þegar hún reynir að grilla hann fyrir stuðning sinn við Líbanon. Ég man ekki eftir annari eins flengingu og mæli eindregið með að fólk taki sér nokkrar mínútur í að horfa á þetta. Það væri óskandi að fleiri viðmælendur gerðu eins og Galloway og neituðu að taka þátt í umræðunni á fyrirfram gefnum forsendum stóru fjölmiðlanna. Gallinn er náttúrulega að fæstir sem það gera fá að koma aftur í viðtal.

Shalom.

Ég er mjög mikið á móti Kárahnjúkavirkjun. Mér er drullusama um verksmiðjustörf á Austurlandi og mér finnst fáránlegt að rústa ósnortinni og einstakri náttúru til þess eins að selja raforku á kostnaðarverði til alþjóðlegra auðhringa svo þeir geti orðið enn ríkari og ógeðslegri, og svo vanhæf stjórnvöld á Íslandi geti haldið áfram að velta hagkerfinu hérna áfram á innantómu brölti. Mér er alveg sama þó afkomendur núverandi íbúa á Austurlandi þurfi mögulega að borða, sofa og skíta einhversstaðar annars en á Austurlandi. Mér finnst ósnortin náttúra og dýralíf skipta meira máli í þessu tilliti enda offjölgun á fólki í heiminum á meðan ósnortnum spildum fer stöðugt fækkandi.

Alveg burtséð frá tilfinningaleysi mínu í garð grunnþarfa Austfirðinga, hef ég svo einfaldlega meiri trú á fólki en svo að það þurfi spillta og illa gefna framsóknarmenn til að skaffa sér lífsviðurværi með handafli. Fólk bjargar sér sjálft ef stjórnmálamenn gefa því frið til þess. Ef eitthvað, ættu stjórnmálamenn að einbeita sér að því að bæta menntun og þar með tækifæri fólks á að gera eitthvað af viti sjálft, í stað þess að handsmíða handa þeim reykspúandi verksmiðjur til að vinna í. Kárahnjúkavirkjun væri í lagi ef okkur bráðvantaði meira rafmagn til að komast af í þessu landi. Svo er hinsvegar ekki.

Núna þegar ég hef komið þessu frá mér langar mig aðeins að hrauna yfir fávitana sem eru að skemma málstaðinn með gelgjulegum smáskemmdarverkum og klisjukenndum stælum þarna uppi á hálendi.

Eins og elskulegir lesendur mínir vita hef ég afar sensitívar taugar og á það til að láta vissar manngerðir fara í taugarnar á mér. Ein slík manngerð er reiði miðstéttarhippinn. Reiði miðstéttarhippinn er klisja á tveimur fótum og sem slík til þess fallin að skemma fyrir hvaða málstað sem hann ákveður að styðja í góðri trú. Rastafléttur, mussur, stálpinnar í andliti, hackey sack boltar og afar fyrirsjáanleg tegund vinstrimennsku einkenna miðstéttarhippann. Hann skammast sín fyrir að vera ekki fæddur í örbyrgð og reynir gjarnan að gera yfirbót með því að brjóta rúður á McDonalds....nú eða skemma skilti og poka uppi við kárahnjúkastíflu. Að hafa skoðun er töff, að mótmæla er töff...en að vera steríótýpa er ekki töff, jafnvel þó fólk telji sig hafa valið réttu steríótýpuna.

Ekki samt misskilja mig...ég myndi sprengja þessa stíflu í tætlur ef ég gæti og þar með bjarga náttúrunni frá tortímingu eins og Captain planet á cartoon network, en ég á ekkert dínamít svo ég sé ekki alveg tilganginn með því að fremja einhver prakkarastrik sem valda verktökunum á Kárahnjúkum mun minna tjóni en þau valda málstað náttúruverndarsinna. Afrek eins og að laumast inn í gám um miðja nótt eins og ninja til þess að skera göt á áburðarpoka munu seint bjarga jörðinni eða knésetja auðhringa. Slík strákapör eru hinsvegar vel til þess fallin að gefa illa launuðum lögreglumönnum sem leiðist í vinnunni, fullkomna afsökun til að berja reiða miðstéttarhippa með kylfum, og það með fullu samþykki hins almenna smáborgara. Björn Bjarnason hlær eflaust illum hlátri í hvert sinn sem reiður hippi spreyjar á skilti eða skemmir poka enda hefur alltaf reynst fyrir stjórnsama fasista að sannfæra hræddan almenning um að framselja frelsi sitt í skiptum fyrir vernd gegn spreyiandi hryðujuverkamönnum með dredda.

Þeir sem hafa slegist eitthvað að ráði þekkja gullnu regluna en ég skal upplýsa ykkur hin um hana svo við séum öll á sama báti hérna.

Ef þú stendur frammi fyrir gaur sem er stærri og sterkari en þú og ert ekki viss um að þú getir rotað hann í einu höggi...þá er oftast skynsamlegra að leysa ágreininginn með orðum.

Lesið og lærið hippar.

Dorrit Mússajef er orðinn Íslenskur ríkisborgari og virðist í skýjunum yfir því. Framan á fréttablaðinu í dag er viðtal við frúnna vegna þessa og er viðtalið ansi hlægilegt svo vægt sé til orða tekið. Ummæli Dorritar um innflytjendur eru til þess fallin að væta nærklæði liðsmanna félags íslenskra þjóðernissinna en ég var ekki jafn hrifinn. Eftirfarandi klausa er tekin úr viðtalinu orðrétt:

Dorrit varar við því að opna landið fyrir hverjum sem er. "Það á ekki að vera auðvelt að verða íslenskur ríkisborgari. Það er mjög nauðsynlegt að við veljum vandlega hver fær að vera Íslendingur," Sagði Dorrit. Hún vill að fólkið sem hingað flyst læri fyrst tungumálið og kynni sér menninguna. "Við verðum að sjá til þess að fólkið sem hingað kemur gefi eitthvað til baka en lifi ekki af fólkinu sem hér er fyrir".

Sjálf talar Dorrit reyndar ekki neina íslensku sem ég skil og býr frítt á bessastöðum á kostnað skattborgarana en hvað er það milli vina. Velkomin í klúbbinn Dorrit. Mundu að loka hurðinni á eftir þér.

Mótórhjólamenn eru nýjasti hópurinn til að komast á listann yfir fólk sem fer í taugarnar á mér. Ört stækkandi hluti mannkyns prýðir þennan merka lista og vil ég nota tækifærið til að óska mótorhjólamönnum til hamingju með árangurinn.

Mótorhjólamenn fara í taugarnar á mér af því þeir halda að þeir séu sérstakir og af því þeir eru væluskjóður. Þeir brjóta fleiri umferðarlög en Siggi Kári og Eyþór Arnalds til samans en væla svo yfir öllu óréttlætinu sem þjóðfélagið beitir þá. Þeim finnst óréttlátt að þeir þurfi að borga hærri tryggingar en aðrir. Þeim finnst óréttlátt að löggan elti þá þegar þeir keyra of hratt. Þeim finnst óréttlátt að óhæfuverk þeirra í umferðinni fái pláss í fjölmiðlum og tala um "neikvæða umfjöllun". Þeir væla og væla um að eingöngu fáir svartir sauðir skemmi fyrir öllum hinum en gleyma því að sami almenningur og horfir á þá væla í fréttunum horfir líka á hvernig þeir keyra alltaf hraðar en allir aðrir í umferðinni og sveigja á milli akreina eins og ölvaður skíðakappi í stórsvigi. Mótorhjól eru um 0.3% farartækja í umferðinni en koma samt við sögu í um þriðjungi banaslysa. Í rauninni ættu mótorhjólamenn að borga hundraðfaldar tryggingar. Ef ekki nema bara til að láta þá væla aðeins meira.

Nú er augljóslega viss munur á racer hjólunum og þessum gömlu Hells angels beyglum sem gamlir kallar með leðurfetish virðast aðallega keyra. Racer hjólin eru hönnuð til að keyra viðbjóðslega hratt inni á lokuðum keppnisbrautum en ekki til að keyra um í umferð innan um eðlilegt fólk. Þau geta farið upp í 100 á innan við þremur sekúndum og enginn sem keyrir svona græju er ekki glæpamaður. Þessi hjól á náttúrulega bara að banna í umferðinni. Punktur. Þau eiga álíka mikið erindi í umferðina og sjálfvirk skotvopn eiga erindi í kringluna á sunnudegi og mér er alveg sama þó einhverjum leðurpervertum finnist rosalega gaman að leika sér á þessum racerum. Það eru ekki gild rök.

Vælið í mótorhjólamönnum um svörtu sauðina sín á meðal minnir mig alltaf dálítið á slagorð NRA..."Guns don't kill people...people kill people". Þeir ættu kannski að taka upp eitthvað svona slagorð? Hér er mín tillaga..."Mótorhjól brjóta ekki lög...leðurpervertar með minnimáttarkennd brjóta lög".

Vonandi fara einhverjir leðurpervertar að væla í kommentakerfinu hjá mér.