Hnakkus

Hendið Birni Inga á grillið og kveikið í honum. Rándýri glansppírinn brennur að vísu frekar illa sem er eflaust úthugsuð brella en þetta hefst á endanum, trúið mér. Ertu með?

Gerið eins og ég og setjið á svið mannrán í þeim tilgangi að krefja framsókn um himinhátt lausnargjald fyrir Björn Inga. Líklega eru þeir búnir að eyða öllum peningunum í bæklinga og vita þar að auki að þetta er tóm hótun þar sem Björn Ingi er ekki kúlunnar virði...en það sakar ekki að reyna!

Síðast en ekki síst kemur gamla klósettpappírstrixið. Fáið krakkana með í að föndra framsóknarklósettrúllur. Björn Ingi er búinn að vera duglegur að kyssa á okkur rassgatið í fjölmiðlum undanfarið og nú fær hann að gera það bókstaflega! Ég hef aldrei verið jafn vel skeindur.

Skemmtið ykkur vel!

p.s. Ég vona að aðrir íbúar hússins fyrirgefi mér þjófnaðinn á framsóknarbæklingunum þeirra.

Söguhetjurnar úr þessarri frétt eru sagðar þekktar í undirheimum garðabæjar. Fyrst hélt ég að átt væri við einhverja félagsmiðstöð þarna í Garðabænum en áttaði mig svo á að þetta væri meint í bókstaflegri meiningu.

Ég fyrir mitt leyti hafði ekki hugmynd um að rólegasta svefnhverfi á landinu hefði undirheima. Ég er af kynslóð sem er ennþá að melta það að Reykjavík hafi alvöru undirheima og ég kemst aldrei hjá því að hugsa að það hljóti að vera frekar sveitó undirheimar miðað við það sem gengur og gerist í erlendum höfuðborgum. Þessir jaxlar úr Garðabænum láta samt ekki smæð samfélagsins stöðva sig í að hugsa stórt og hafa afrekað að verða þekktir í þessum nýju undirheimum sem enginn vissi að væru til. Maður spyr sig samt óneitanlega hjá hverjum nákvæmlega þeir séu þekktir þarna niðri? Hjá hvorum öðrum?

En ég vil ekki taka neitt af þeim því þetta eru augljóslega miklir afreksmenn á sviði glæpa og líkamsmeiðinga og eiga eflaust eftir að ná langt í undirheimum Garðabæjar.

(Nú verð ég laminn með sveðju.....sem er ekki alslæmt því mér leiðist þá varla á meðan.)

Eyþór Arnalds er fallinn ekki ósvipað ljósastaurnum sem honum mistókst að keyra framhjá um helgina. Ólíkt ljósastaurnum verður Eyþór hinsvegar ekki svo glatt reistur við á ný.

Þessi yfirlýsing sem Eyþór kom með var moðvolg og veik. Hún mun ekki hjálpa honum og hún mun ekki hjálpa flokknum. Ég er með betri lausn...

Harakiri!

Með harakiri endurheimtirðu heiðurinn Eyþór, og það sem meira er...þú endurheimtir rokkið!

Sayonara gamli vinur...sayonara!

Mér finnst þessi frétt mjög fyndin sem er kannski merki um brenglað skopskyn því auðvitað eiga svona vinnubrögð ekki að vekja kæti. Fréttin fjallar um það að "líklega" hafi tveir af sprengjumönnunum í London, hitt höfuðpaur Al qaeda samtakanna í Pakistan. Fréttin virðist vera unnin úr einhverri skýrslu sem blaðamanni finnst greinilega ekki mikilvægt að kynna frekar til leiks. Fréttin hljóðar svo:

"Tveir af fjórum mönnum, sem frömdu sjálfsmorðsárásir í Lundúnum 7. júlí á síðasta ári, höfðu líklega eitthvað samband við hryðjuverkasamtökin al-Qaeda, að því er kemur fram í skýrslu sem birt var í dag.

Í skýrslunni er hins vegar vísað á bug kenningum um að fimmti maðurinn hafi verið hugmyndafræðingur árásanna og hann hafi flúið Bretland í kjölfarið.

Vitað er að tveir af árásarmönnunum, Mohammad Sidique Khan og Shehzad Tanweer, fóru til Pakistans skömmu áður en árásin var gerð. Í skýrslunni segir, að ekki sé vitað hverja þeir hittu en líklegt sé að þeir hafi haft samband við einhverja af forsprökkum al-Qaeda."

Aldrei er tekið fram á hverju það er byggt að það sé "líklegt" að mennirnir hafi hitt forsprakka samtaka sem eru ekki til í alvörunni. Það er hinsvegar tekið nokkuð skýrt fram að samkvæmt skýrslunni dularfullu viti enginn neitt um hverja þeir hittu svo þetta meikar allt voða lítið sens.

Samkvæmt skýrslu sem birt var í dag er líklegt að blaðamaðurinn sem sá um þessa frétt sé vangefinn.

...að fara að koma upp linkum á aðra bloggara hérna til hliðar. Það eru þónokkrir sem ég glugga í reglulega en þar sem ég er mjög óskipulagður í eðli mínu sökum óðelilega hás testósterónmagns í blóði er ég vís til að gleyma einhverjum og valda þar með móðgelsi, óvild eða milliríkjadeilum. Mín lausn á svona málum er venjulega að ýta þeim á undan mér þangað til þau leysast af sjálfu sér. Mig vantar einkaritara.

Í morgun vaknaði ég tímanlega til vinnu eins og ég á til að gera og var í mestu makindum að hafa mig til þegar ég heyri ógurlegan bægslagang úr bakgarðinum heima hjá mér. Þar sem mér er litið út sé ég köttinn minn hann Jóakim koma á harðahlaupum yfir garðinn með kolvitlausan hund á eftir sér sem augljóslega ætlaði að éta hann. Rófan á Jóakim var á þykkt við jólatré og hárin á bakinu stóðu beint upp í loft. Ég sá ekki hvaða tegund af hundi þetta var nákvæmlega en sögunnar vegna gæti ég trúað að þetta hafi verið hálfur grábjörn svo hroðalegur var hann. Hann var dálítið líkur íslenskum hundi nema öðruvísi á litinn og vitanlega voru augun á stærð við undirskálar.

Eins og allir vita er ég ekki hræddur við neitt (nema rappara úr árbænum og tortillur með hangikjöti) svo ég reif upp hurðina sem liggur beint út í garð, rauk út eins og elding og var kominn út í garð áður en ég vissi hvað var að gerast og alls ekki meira en sekúndubroti áður en Jóakim hefði verið gleyptur í einum munnbita! Ég hljóp í áttina að hundskrímslinu og rak upp ógurlegasta öskur sem heyrst hefur hér á jörð síðan á steinöld. Hundspottið steingleymdi væntanlegum málsverði þegar það stóð andspænis þessum háværa brjálæðingi sem nálgaðist óðfluga á sokkaleistunum, snerist á staðnum og hvarf aftur yfir vegginn þaðan sem það hafði komið í leit að auðveldum bita. Eftir stóð ég með náladofa í kinnunum og í adrenalínvímu, og tuðaði eitthvað sem ég held að hafi verið..."Druuulllaðu þér úr garðinum addna!". Það var ekki fyrr en þá sem ég sá eiganda hundsins standa hinu megin við vegginn. Smávaxna konu í eldri kantinum sem horfði á mig gjörsamlega steinrunnin af undrun og einhverju sem ég kýs að túlka sem óttablandna virðingu. Konan smellti hundinum aftur í fjötrana sem hún hefði aldrei átt að sleppa honum úr til að byrja með og lét sig hverfa, eflaust guðs lifandi fegin að þurfa ekki að borga fyrir uppstoppun á hundinum sínum eins og stefndi í. Ég labbaði aftur inn og reyndi að bera mig eins og ekkert væri eðlilegra en að ryðjast út eins og snjóflóð eldsnemma á morgnana öskrandi og gargandi. Mestu adrenalínvímuna lét ég svo rjátlast af mér á leið í vinnuna.

Hundarnir í hverfinu eiga aldrei eftir að koma nálægt garðinum mínum aftur. Reyndar á fólkið í hverfinu líklega ekki eftir að koma neitt sérlega nálægt honum heldur.

Viðskiptavinir Flugleiða geta nú hlýjað sér við þá tilhugsun að okurflugfargjöldin sem þeir borga fari í að styrkja ólöglegan götukappakstur milljarðamæringa gegnum nokkrar álfur. Hluthafar í Flugleiðum geta líka glaðst yfir því að stjórn fyrirtækisins hlúi vel að ímynd fyrirtækisins útávið af óeigingjörnum hvötum og án þess að það spili inn í á nokkurn hátt að sjálfur forstjóri fyrirtækisins sé meðal keppenda. Ég er að spá í að sækja um styrk til flugleiða til að halda ólöglegan götukappakstur um þingholtin. Þeir færu varla að neita að styrkja gott málefni allt í einu!

Í einhverju blaði í gær las ég svo ein furðulegustu ummæli ársins en þau átti einhver snillingur hjá umferðarstofu um millakappaksturinn. Hann vildi meina að í rauninni væri allt í lagi að stunda ólöglegan götukappakstur því að milljarðamæringarnir ættu nefnilega á hættu að vera stöðvaðir fyrir of hraðan akstur og því væri þetta sambærilegt við kappakstur sem er haldinn á þar til gerðum lokuðum kappakstursbrautum. Honum finnst semsagt allt í lagi að menn á of kröftugum bílum og með of mikinn frítíma eyði téðum frítíma í að leggja venjulegt fólk í stórhættu með ofsaakstri í gegnum hin og þessi lönd svo lengi sem þeir eigi yfir höfði sér sektir og hugsanlega ökuleyfissviptingu í viðkomandi landi. Eins gott að hið opinbera er með svona snillinga í fullri vinnu við að huga að umferðaröryggismálum.

Nýjustu fréttir herma að minn fyrrum vinnuveitandi og fornvinur Jón Ásgeir Jóhannnesson hafi verið stöðvaður oftsinnis nú þegar fyrir ofsaakstur í kappakstrinum góða. Nú er ég að velta fyrir mér...væri ekki hægt að láta þetta lið keppa í rússneskri rúllettu í staðinn? Það hlýtur að vera hægt að gera hana trendy einhvern veginn. Það myndi bæði auka umferðaröryggi og minnka líkurnar á að milljarðamæringarnir þurfi að eyða einum milljónasta af laununum sínum í sektir fyrir hraðakstur. Svo yrði þetta líka skemmtileg viðbót við helgarsportið.