Hnakkus

Í krafti þess að hér þekkir mig enginn get ég upplýst að ég hélt með wham! í stríðinu við duran duran. Ridgeley var yfirburðamaður í bransanum á þessum tíma. Ljósárum á undan sinni samtíð.

ég er fræg hérna en þori samt að segja að ég hélt rosalega mikið upp á Wham...hélt bara líka upp á Duran Duran, fannst bæði betra! var ossa skotin í George Michael en fannst hann alltaf samt pínu stelpulegur svo ég svissaði yfir í John Taylor...

Á skóladagheimilinu mínu var þessi barátta með aðeins öðru sniði. Hún stóð ekki á milli Duran Duran og Wham heldur Duran Duran og Limahl. Ég veðjaði á rangan hest í því stríði og hélt með Limahl enda nýbúinn að fara tvisvar í bíó á Neverending story. Þetta gekk svo langt að á einum tímapunkti barði ég vin minn í hausinn með kubbageimskipi af einskærri frústrasjón yfir því að hann skyldi ekki átta sig á því að ég vissi betur en hann í tónlistarmálum.

Geimskipið brotnaði í small og vinurinn fór að grenja. Mér fannst það gott á hann at the time....en ég held ég sé vaxinn upp úr því að berja fólk í nafni Limahl.